好多年冇上黎 想講兩句

Ｌaｚy〞

好記得星夢執笠係3年前
執笠當日我記得係去左OCAMP無得同大家一齊講拜拜
依家我先岩岩畢業
3年黎日日忙到無停手
而畢業出黎做野就只有更忙
但印象中自己間唔中都會上黎呢度望下
忙到咁都冇忘記呢個地方
我自己都講唔出係點解

近呢一個月我好彩D
咁岩撞正上黎見到有D好耐無見既舊朋友應下我機
更重要既係唔覺意望到有私,服既存在
直到今日終於得閒DOWNLOAD落黎望下玩下
人係多但感覺有D唔同
事隔咁多年你話仲係原味就呃人既. 秋刀魚都會過期啦
不過係技術上同埋精神上而言我覺得都係GOOD TRY
至少我每逢星期六晚得閒真係會想開黎睇下

至於講到呢個討論板
其實我有望到D私,服POST好似消失左幾個
我唔知係邊個板主做既好事
但係成年人大家知咩叫酌情處理架啦
諗下到底係應該盡忠職守定係留個方便比大家有機會聚下

雖然我係比較後期既玩家
但相信我當日所識既FD 依家都榮升為老餅級別
事實上事隔三年我D記憶都開始斷斷地片
淨係認得是街 瑤瑤 ON9夕 係我識又會有上黎樂古LOL
有陣時覺得時間過得好快
快到有D時候會想捉緊番自己細細個曾經擺過心機/鍾意過既野
相信好多人都同我一樣
如果唔係我今日ONLINE都唔會見到咁多人

講左咁大堆
如果你地有人認得我/唔識我但想認識下我既(LOL)又咁岩經過記得應下機
我諗今次唔駛隔一年掛
最緊要係有番隻GAME係度
有野玩可以約番一齊玩
反正間中玩下都無傷大雅
但要讀書既就記得要努力讀書唔好沉迷了

P.S. 3年後既今日諗番轉頭 覺得要同當年比我呃過零用錢既人講聲對唔住-.- 對唔住-.-